Eurovision.tv istinadən xəbər verir ki, "Eurovision 2011”in rəsmi devizi elan edilib. Almaniyanın NDR televiziyası bu ildə keçiriləcək müsabiqənin rəsmi tərtibatını və formasını təqdim edib. 2011-ci ildə Eurovision şousu «Feel your heart beat!» (Ürəyinin döyüntüsünü hiss et”) devizi altında keçiriləcək.
"Eurovision 2011”-in mövzusu musiqinin yaratdığı emosiyalara həsr olunur. "Eurovision 2011” müsabiqəsinin fərqləndirici xüsusiyyətləri: entuziazm, ürək döyüntüləri, sevinc, məhəbbət və ehtirasdır. Müsabiqənin mövzusu həmçinin belə deməyə əsas verir ki, hər bir mahnının özünəməxsus ritmi var.
